The Stars Like Thistle’s Roses Flower

 

The stars like thistle’s roses floo’er
The sterile growth o’ Space ootour,
That clad in bitter blasts spreids oot
Frae me, the sustenance o’ its root.

O fain I’d keep my hert entire,
Fain hain the licht o’ my desire,
But ech! the shinin’ streams ascend,
And leave me empty at the end.

For aince it’s toomed my hert and brain,
The thistle needs maun fa’ again.
—But a’ its growth ’ll never fill
The hole it’s turned my life intill!…

 

from A Drunk Man Looks at Throbbing Thistle

Be the first to comment on "The Stars Like Thistle’s Roses Flower"

Leave a comment

Your email address will not be published.


*